NAGORI KOTO BARU SIMALANGGANG.

Bismillahirahmanirrahim Alhamdulillah na'maduhu nasta i nuhu wanastaghfiruhu . Na uzubillahi minsururi am fusina, min sayyiaatina a malina, Mayyahdillahfala mudillalah wamayyudilhu fala haadiyalah, Lahawla wala quwwata illa billah . Wasshola tuwassala mu ala nnabiyyu  muhammadarrosuululloh ,wa'ala alihi...wasohbihi.. waman tabi 'a huddah. O nak kanduang sibirang tulang,  buah hati limpo jo jantuang,  ubek joriah palorai domam,  sidingin palompok kapalo.  Kamari mari melah duduak,  ado rundiang ayah Sampaikan. Kalau diliek dipandangi nak,  dicoliak umua nan tapakai,  badan Ayah baransua tuo,  kini manjalang onam puluah.  Hari potang mantari turun , awan di barat merah sago,  malam nan indak lamo lai.  Nyampang tibo soruan Allah,  Aja sampai umua sudah  maso  lah tibo dijangkauan.  Tabuah digua tigo-tigo,  badan baganjua baliak pulang  katompek asa mulo jadi ...