NAGORI KOTO BARU SIMALANGGANG.

MANOLAH DATUAK..... BASOBAB DATUAK SURANG NAN BATUNTUK. TAGA DEK BARIH JO BALOBEH SUNGGUAH DAUTUAK SURANG NAN TASOBUK BUKAN DEK BA INGGO JO BABATEH. URANG GODANG  BOSA BATUAH ANDIKO PANGULU ADAT KA OMPEK SUKU DI NAGORI NAN MAMOGANG SOKO ADAT DUBALANG JO OMPANG LIMO MANTI SAROTO PAGAWAI ADAT PAHUBUANG KATO DI NAGORI NAN  MANJADI PARIK PAGA NAN MUDO PALAWAN DUNIA CODIAK PANDAI SAMO DIDALAM UMUMNYO URANG OMPEK JINIH DILINGKUANG SOMBAH AMBO JUO . UJUK MUKOSUK BUAH RUNDIANG POHAM NAK SAMO DI DALAMI DI NAN TUMBUAH IKO KINI BAGANTANG RASO KA PONUAH BATANDO RASO LAI KA CUKUK SOBAB DEK SUDAH MINUM MAKAN KOK MAKAN NYATOLAH KONYANG TIBO DI MINUM LAI OLAH PUEH TANDO MAKAN LAI KONYANG  BALOBIAH NASI PATAMBUAHAN  TANDO MINUM LAI PUEH BASISO AYIA DI GALEH. MAMANDANG NAN SARUPO ITU TAKANA AMBO JO PAPATAH PAKAIAN LUHAK NAN BUNSU LAZIM DIALAM MINANG KABAU KALAU BATANYO LOPEH ORAK JIKOK BARUNDIANG ...

MANOLAH DATUAK...... SUGGUAH DI IMBAU DATUAK SURANG TAGA DEK POHAM JO ULEMU LURUH TUJUAN TONTANGAN ALUA RIGO DEK SOMBAH NAN MAMBIRU SAMO BASAH BAK BA SIMBUA. NINIAK MAMAK KA OMPEK SUKU URANG GODANG BOSA BATUAH NAN MANJUJUANG SOKO JO  PUSOKO PUCUAK BULEK DALAM NAGORI UREK TUNGGANG PASAK PUSOKO  ARIH JO GONTIANG NAN   KA PUTUH BIJAK JO BIANG NAN KA CABIAK URANG ARIH BIJAK SANO TAU DI LONTIANG KA MANGONAI INGEK JO CONDONG KA MA IMPOK. TAGAK DEK TEMBAK NAN BA ULAMAT DATUAK TAPOGANG DI ULUNYO KATOBANG TOMPEK MANUMPU DAHAN INGGOK BOKEH MAN CONGKAM BATANG SOLAM TATABUA DI NAN RAPEK SOMBAH DATUAK TATIMPO NYO. BASOBAB DATUAK DEK BAIMBAU DALAM UKOTU IKO KINI DI URUK AWA KA PIDOMAN LAI BA ASA JO BA MULO ADO BASOBAB JO BA KURONO GODANG MUKOSUK NAN BA ANGAN BAK PITUAH  NINIAK NAN BADUO DT PARPATIAH NAN SABATANG  JO DT.KUTOMONGGUNGAN COMIN TORUH JUGALO TUBUAH MANIMBANG ATEH NAN ADO KOK BASIANG ...

MANGALUAKAN CARANO MANOLAH DATUAK......... SUNGGUAHPUN DATUK SURANG NA TAIMBAU TAGAK DEK ADAT JO LIMBAGO DI LAHIA DATUAK SURANG NAN TA IMBAU DI BATIN PADO KITO NAN BASAMO. DEK LAI ANYUK DARI ULU  ALIRAN TUNGGANG KA MUARO DI LAHIA DATUAK NAN BASORU BATINNYO TUBUAH  NAN BAGUJALO COMIN TORUH JUGALO TUBUAH OMEH BABUNKA KA NURACO KOK BASIANG ATEH NAN TUMBUAH NYATO MANIMBANG ATEH NAN ADO SIRIAH DEK OLAH DATUAK KUNYAH HATI SUKO PIKIRAN TONANG KINI TONTANGAN CARANO NAN KA TONGAH PATUK DI KISA BAK SUBANG SUBANG TAPI SUMANTANG PUN BAITU TUMBUAH TUAH DEK SAKATO NAK TABUJUA SAMO LALU NAK SAPOKAT MOLAH KITO SASUAI MANGKONYO TA KONAK SAUKUA MANGKO MANJADI PANDAPEK DATUAK KAMI PINTAK KATO SAPATAH KAMI NANTI. SAKIAN SAJO DARI AMBO , MA OLUN PULANG BAKEH DATUAK. ======================== MANGALUAKAN JAMBA ====================== MANOLAH DATUAK...... .SUNGGUAHPUN DIMBAU  DATUAK SURANG  TAGAK DE...