MANOLAH DATUAK......
SUGGUAH DI IMBAU DATUAK SURANG
TAGA DEK POHAM JO ULEMU
LURUH TUJUAN TONTANGAN ALUA
RIGO DEK SOMBAH NAN MAMBIRU
SAMO BASAH BAK BA SIMBUA.
NINIAK MAMAK KA OMPEK SUKU
URANG GODANG BOSA BATUAH
NAN MANJUJUANG SOKO JO PUSOKO
PUCUAK BULEK DALAM NAGORI
UREK TUNGGANG PASAK PUSOKO
ARIH JO GONTIANG NAN KA PUTUH
BIJAK JO BIANG NAN KA CABIAK
URANG ARIH BIJAK SANO
TAU DI LONTIANG KA MANGONAI
INGEK JO CONDONG KA MA IMPOK.
TAGAK DEK TEMBAK NAN BA ULAMAT
DATUAK TAPOGANG DI ULUNYO
KATOBANG TOMPEK MANUMPU DAHAN
INGGOK BOKEH MAN CONGKAM BATANG
SOLAM TATABUA DI NAN RAPEK
SOMBAH DATUAK TATIMPO NYO.
BASOBAB DATUAK DEK BAIMBAU
DALAM UKOTU IKO KINI
DI URUK AWA KA PIDOMAN
LAI BA ASA JO BA MULO
ADO BASOBAB JO BA KURONO
GODANG MUKOSUK NAN BA ANGAN
BAK PITUAH NINIAK NAN BADUO
DT PARPATIAH NAN SABATANG
JO DT.KUTOMONGGUNGAN
COMIN TORUH JUGALO TUBUAH
MANIMBANG ATEH NAN ADO
KOK BASIANG ATEH NAN TUMBUAH.
TUMBUAH SARUPO IKO KINI
TONTANGAN JAMBA NAN KA TONGAH
NAN DI MUKO DATUAK DUDUAK
KOK RUMPANG KA KAMI SISIK
BALOBIAH INDAK KA BA SAUAK.
.DEK TANJUANG LIKU BALIKU
PADANG TA JOROK DI NAN LAPANG
DEK BANYAK KAMILAH RAGU
DEK LAMO LUPO MANDATANG.
KILAF JO KILAFAT SIFAT KITO
KALAU NAN KODIM IYO NYO TUHAN
NAK NYO SALAMAT SAMPARONO
LOPEH DEK DATUAK PAMANDANGAN.
SOMBAH PENDEK SAKIAN SAJO.
MAK OLUM PULANG BOKEH DATUAK.
----
JAWANNYO.
LAH SAMPAI DEK DATUAK...
.......
NAN KA JADI SAUK SAPONYO
ATEH RUNDIANG NAN KATONGAH
SAREK DEK ANDAI JO PIDARAN ,
SASUAI RUEH JO BUKUNYO
CANDO BA UKIA JO KIRATAN.
RUNDIANG TA UNJUAK KA NAN RAPEK
LAHIA PADO AMBO SURANG
DI CARI BULEK NAN SAGOLONG
PICAK NAN SALAYANG.
LAMBEK DATANG LAI KA TIBO
KOK TALALAI RAGO DI JALAN
MANANTI DATUAK SAKATIKO
TARAGO MALOPEH PAMANDANGAN.
SAKIAN DARI AMBO,
MAK OLUM PULANG BAKEH DATUAK.
===============
JAWABAN SOMBAH MAKAN.
======================≠==°
MANOLAH DATUAK.......
TAWALAK RUNDIANG NAN MANDATANG
NAN TA UNJUAK KA NAN RAPEK
DEK LAMO DUDUAK MAMANDANG
LAI TA ONGGAU JO TALAMBEK
BUKAN DEK INDAK DALAM HATI
LAI DI DALAM ANGAN ANGAN JUO
KOK TALAMBEK DALAM JONJI
AMPUN JO MAAF DI PUHUNKAN
.DEK PANDANG SAMBUANG MANYAMBUANG
UNTUAK NAK SAMO KAMI BAOK
BAK ONGGANG TOBANG KA GUNUANG
LAMO JO LAMBEK KA TBO JUO.
KOK NYO PINTAK PINTO DATUAK CAKO
MINTA DI LOPEH PAMANDANGAN
DEK TILIAK KAMI NAN BASAMO
DONGA DEK DATUAK URAIANNYO.
.SALEWAI PANDANG ADOK ILIA
LAINYO CANDO KAPURAN JO SAOKNYO
SASUAI BATIN JO NAN DI LAHIA
RASO NAN OLAH SACUKUKNYO
KOK ANYO DI RUANG TONGAH
NAN SAHINGGO RUANG TOPI
DI SITU OLAH SASUAI BONA
BAK CINCIN LOKEK DI JARI.
TANYO BATANYO SAMO AWAK
INDAK BASUO LOBIAH JO KURANG
RASOLAH TIBO DI NAN RANCAK
MUNGKIN LAH LOBIAH DARI SODANG.
KINI NAN TIBO DI KAPALO
LURUH TAK MUNGKIN DI ILAKKAN
UNTUAK LAH SUDAH AMBO BAOK
KA DATUAK RUNDIANG BA PULANGAN.
.SAKIAN DARI AMBO ,
MAK ALUM PULANG PADO DATUAK.
JAWAB NYO MANYURUAH MAKAN.
LAH SAMPAI DEK DATUAK.
NAN SAPANJANG RUNDIANGAN DATUAK TU
LAH SASUAI ADAT NAN BAPAKAI
BIANG TOMBUAK GONTIANG LAH PUTUH
PINTAK BULIAH MUKOSUK SAMPAI.
MANDONGA RUNDIANG DATUAK TU
HATI SUKO PIKIRAN TONANG
NAK CINCIN GOLANG NAN TIBO
SUMUA DI GALI AYIA NAN DATANG
MANTANG PUN UNTUAK LAH BA AMBIAK
DATUAK NAN MALOPEH PAMANDANGAN
PUTIAH KAPEH NAN BA COLIAK
BANGKALAI ELOK LAH BA SUDAH AN
TALOTAK JAMBA JO HIDANGAN
USAH DI NANTI LAMO LAMO
TARIAK AYIA BASUAH LAH TANGAN
NAK NYO SALAMAT SAMPARONO.
KOK NYO INDAK LAH BA ITU
DONDAM JAN TINGGA DI BANGKALAI
TANDO UJUK BANAMO SATU
ELOK KAH SUGIRO KITO MULAI.
SAKIAN SAJO DARI AMBO
MAK ALUM PULANG BAKEH DATUAK.
==========
LAH SAMPAI DEK DATUAK
===================
MUJUALAH TITIAK BAK NYO UJAN
LAH INGGOK BAK NYO LANGAU
BA LAYIA KAMI LAH TAK ONGGAN
APOLAH KUNUN SOMPAN BA ELO.
DUDUAKLAH DATUAK DI KAMUDI
AMBO NAK TOGAK DI HALUAN
TANDO IRIK LAI BARALI
NAK TONTU KAMI MANURUK AN.....
========================°====°
PASOMBAHAN MAKAN
Sipangka :
Sungguahpun datuak surang nan disobuk namo dipanggiakan gola
–Ateh hadiein sidang mujilih nan ado
-nan tahampa di ateh lantai
–nan tasungkuk di bawah atok,
- nan balirik salingka dindiang,
ketek indak ka disabuikkan namo
– godang indak ka diimbauan gola.
Tapi dek tembak nak baulamat,
Sombah di datuak tatimponyo.
(Olek) : Kapado kito basamo.
Sipangka :
Adopun sambah nan kadipulangkan bokeh datuak;
olah sabarih jamba nan tahidang
– dari pangka sampai ka ujuang–
dari tongah lalu ka topi
– nan manjamba ka ruang godang.
-Manuruik kato si Rajo Janang;
-ibarat bagantang rasolah malanjuang
-Bacupak raso lah malilih
– umpamo babilang rasolah cukuik
. Tapi samantangpun baitu,
kok ado lirik nan talampau
– kok ado kurang nan ka ditukuak
– senteang nan ka dibilai.
Layangkanlah dek datuak pandangan ka nan jauh
– tukikkanlah ka nan ampiang
– samintaro Jonang lai tagak juo
-Bak pituah datuak juo;
tuan Kotik mangarang bondua
– takarang di banang bulang
– sungguahpun cukuik dari dapua
– tibo di ujuang antah nyo kok kurang
. Sakian dulu dari ambo...
Maklum pulang boleh data.
Olek :
Sapanjang panitahan datuak tu,
tantangan juadah nan ka tangah;
Olah kami paiyo patidokan jo nan tuo sabolah ka ujuang,
baalah kato baliau
– tantanganjamba nanka tongah ko
ibarat bungo..olah jadi putiak
– putiak lah suko jadi buah
– buah lah masak ranum pulo
– tinggi bak raso kadijuluak
– randah bak raso kadijangkau
– dijuluak bak raso ka rasan pisau
– dijangkau izin nan bolun.
Jadi, tapaso dinanti jatuah dari tampuak .
sakian sambah di pulangkan ka bokeh datuak.
Opsi Lain
==========
Tumpuan Kato (Pihak Tamu/Ujuang/Olek)
Tantangan juadah nan ka tongah;
indak ado kurang nan makanan tukuak,
senteng nan makanan bilai.
Tapi, sungguahpun baitu,
ibarat urang manobang kayu,
dek Datuak nan dipangka,
tobanglah dek datuak dari situ
nak kami sisiak dari siko.
Juru Baso(Sipangka)
Mandangan pituah futsal tu
sonang rasonyo di kiro-kiro.
Baa tu nyo leh kini;
disikek luluak nan lunak,
ditanam padi di sawah,
masak dituai basamo-samo.
Jikok sifaik nan datuak mintak,
nak kami mulai jo bismillah,
turuk dek Datuak basamo-samo.
=======°°=°°============
Malah datuak nan nyo ambo. Sombak ta unjuak boleh datang, solat tatimpo kan nan banyak,awa di koma tentang iko aku di baco niat nosa , nan jadi putiak nan bakucuang ,dek silang nan ba pangka, katojo nan bapokok,
Di tiliak pandang di bontuak rupo, Di pandang muko nan indak babancano, tuah karojo nan lah jadi tuah karajaan nan lah salamat,
Pihak di maso iko kini ,olah ddk duduak manti jo pagawai dek banyak manaruah ragu dek lamo biaso lupo. Tentang juadah nan ka tongah, kok kurang susun nan bak siriah ,kok kurang atok nan bak pigagaran ,Limbak nan dari pado itu tentang kaduduak an datuak , patuk di ujung kok di pangka, patuk di Tengah kok di topi ,Ipa jo bisan kok ta sisia aan dek manusia nan basifat gawa ,moo jo rela kami pintak , .
Di limbak salimbak lai, .Tali kata panjang sambilan, mangatia dari ateh kopa ,Ambiak atau basah lah tangan ,Sendoklah juadah nan ka tengah.
Jawabannya.
Dek bunyilah di donga, buntuak rupo nan baliek ,sapanjan simbah nan tabontang, olah tatabua di nan rapet, taserak di nan rami , olah ta tumpu boleh ambo 'alaikum salam ka jaweknyo,
Limnak nan dari itu bak andai kato bida Nak ka ilia ka lamposi , mudiak na ka sungai baringin ,basimpang jalan ka parambahan, minumlah ayia nan taisi ,nak snang hati sipangkalan
Baliak nan dari pado itu tentang kaduduak an olek, kok di pangka duduk di ujuang , patuk di tongak kok di topi , bori moo silang nan bapangka karojo nan ba pokok, ka iyo ba itu bona kato dalam cako.. ..
Tapi ba atoh nyo leh kini ,jodoh olah ta susun nan gak siriah , elok ririk nan bak jagung, elok susun nan ba aturan , Tapo ba atoh nyo leh kini ,Bak pancari ingek jalan ka bonjo ,dek ka joddah jalan menurun ,.patah rantiang dek talando , kok jodoh ka di sonduak ,ayia nak di mintak minum ,Datuak lirik lah dari siti, nak kami turun dari sinyak ,
=====================================..
Sombak
Komentar
Posting Komentar