MA URAK SELO

SOMBAH MAURAK SELO 

MANYO DATUAK.............

KADATUAK SOMBAH DI UNJUAK AN.

SUNGGUAH PUN DATUAK SURANG NAN TA IMBAU,

DALAM SARIAT JO HAKIKAT,

 LAHIA JO BATIN SAMO DALAM AMPUN.

 AMPUN JO MAAF DIPABANYAK

 IZIN JO RILA BALOBIAAH AN , 

DEK KATO BANYAK NAN SALAH 

DEK RUNDIANG BANYAK NAN SOSEK,

 DEK KITO BASIPAT GAWA ,

,ALLAH JUO NAN BASIPAT KODIM, 

TAGAK DEK GAWA KALAM AMBO  

DEK KATO AMBO NAN SAPATAH

 DEK SOMBAH AMBO NAN SAKALI 

,KOK BAKATO AMBO DINAN LAI, 

LAI TAROCAK DI PUSAKO. 

MANOBANG LAI TONTANG PANGKA, 

MANJULUAK LAI TONTANG BUAHNYO,

 KOK BAKATO AMBO DINAN BONA,

 SONANG LAH HATI NINIAK MAMAK ,

JIKOK BAKATO AMBO DINAN TIDAK, 

MALU TATUMBUAK KABADAN DIRI ,

ARANG TACORENG PADO KONIANG,

BAKIPEH POLUAH DIDADO,

 BAKOJA DARAH KAMUKO ,

BURUAK BARITO DALAM NAGORI.

 SUNGGUAH PUN BA-A BONA LAH NAN BAK ITU ,

 DEK PANGULU BANYAK NAN SATI,

URANG GODANG BANYAK BATUAH, 

BORI LAH AMPUN BADAN DIRI AMBO

DI JALAN  MARUSUAK AMBO LALU 

DEK NAN DITUJU KA  ITU JUO.

TAKALO PANGULU BADIRI DINAGORI, 

MANDIRIKAN ADAT JO PUSAKO, 

MA ADOKAN CUPAK JO GANTANG,

 MA,ADOKAN BARIS JO BALOBEH, 

CUPAK DATANG MA ISI,

 LIMBAGO DATANG MAMBORI ,

SUNGGUAHPUN SACUKUK JO GONOK NAN BAK  ITU

DEK  DISILANG NAN BAPANGKA,

DI KARAJO NAN BAPOKOK,

TONTANG LIMBAGO  SAKOTU  IKO KINI.

DICARI HARI NAN ELOK KUTIKO NAN BAYIAK, 

KOK JAUAH DILAYANGKAN SUREK,

 DOKEK TALAYANG SIRIAH

 DEK PAKAIAN ADAT 

PANGGIA MAMANGGIA.

DEK MUJUA SIPOKOK SIPANGKALAN, 

JAUAH DI SORU OLAH DATANG

 DOKEK DIPANGGIA OLAH TIBO, 

DEK MUJUA SIOLEK JAMU NAN HADIR,

 KOK TIBO LA BASINGKOK KAN PINTU 

,DUDUAK LAH BAKOMBANGKAN LAPIEK,

 NAN LITAK LAH DAPEK NASI 

NAN AWUH LAH BULIAH JO AYIA,

 INDAK UPEK NAN KA TIBO, 

ONTAH KOK PUJI NAN KA BULIAH. 

PIHAK DIADAT SAKOTU IKO KINI, 

RASO LAH SALAMAT SAMPORONO,

 IBARAT BAJALAN LAH SAMPAI KA BATEH,

 BALAYIA LAH SAMPAI KA PULAU, 

SIANG OLAH BAPARONTIAN 

KOK MALAM OLAH BAPAMALAMAN, 

TANDO LAH SALAMAT SAMPORONO, 

OLAH BAGANTUANG KA NAN TINGGI 

,OLAH TASANDA KA NAN GODANG.

DOA TUANGKU LAH BABONTANGAN PULO.

 PIHAK DEK KAMI SIOLEK JAMU NAN HADIR,

 DEK LAMO DUDUAK TARASO PONEK

 LAMO TOGAK NGILU LAH LUTUK, 

SOMBAH TASERAK KANAN RAMI ,

SOLAM KAPADO NAN BASAMO

,AWA DIKONA TONTANG IKO,

 AKIA DISOBUK NIAT JO NOSA, 

NAN TANIAT  NAN TANOSA,

DEK KAMI SAGALO SIOLEK NAN HADIR, 

DUDUAK NAK MAURAK SELO 

TOGAK NAK MAMBUANG LANGKAH

,NAK TURUN DITANGGO RUMAH DATUAK, 

NAK PULANG KATOMPEK NAN BIASO, 

NAK IZIN DARI SIPOKOK SIPANGKALAN.

.

SAGITU SOMBAH BOKEH DATUAK.

MAK OLUM DATUAK TONTANG ITU

(JAWAB ...

LA SAMPAI DEK DATUAK ,DIBILANG OLAH)

SAPANJANG BUAH PAEUNDIANGAN DATUAK TU ,

NAN TASERAK KATONGAH-TONGAH 

TATABUA KAMUKO NAN RAPEK, 

MUKO KITO NAN BASAMO

OLAH DIOTOK  BA SUSUNI DARI AWA SAMPAI AKHIR ,

INDAK DIULANG KILIN DI TIKAM JOJAK

 DIULANG KILIN BONANG KOK PUTUH,

 DIULANG TIKAM JOJAK KOK LIPUA, 

MAA NAN KAJADI BUAH RUNDINGAN DATUAK 

.PIHAK DIADAT SAKOTU IKO KINI, 

DEK RASO LA SALAMAT SAMPORONO 

IBARAT BAJALAN LA SAMPAI KABATEH,

 BALAYIA LA SAMPAI KAPULAU,

 SIANG OLA BAPARONTIAN 

MALAM LA BAPAMALAMAN,

 TANDO OLAH SALAMAT SAMPORONO

,OLAH BAGANTUANG KAN TINGGI ,

BASANDA KA NAN GODANG

DO’A TUANGKU LA BABACOAN PULO

 SOMBAH TASERAK KANAN RAMI 

SALAM KAPADO NAN BASAMO,

 AWA DIKONA TANTANG IKO ,

AKIA DISOBUIK NIAT JO NOSA,

 NAN TANIAT NAN TANOSA DEK DATUAK, 

KAN TONTANG DUDUAK NAK MAURAK SELO

 TOGAK NAK BUANG LANGKAH, 

NAK TURUN DITANGGO RUMAH IKO ,

NAK PULANG KATOMPEK NAN BIASO, 

NAK ISIN, KAMI SIPOKOK SIPANGKALAN, 

KAN BAITU BONA BUNYI BUAH PANYOMBAHAN DT CAKO.

(BONA)

 SABOLUN ISIN KAMI BORI, 

 PIHAK DIADAT SAKOTU  IKO KINI,

 TOGAK KOK KURANG SAPO 

DUDUAK KOK KURANG SIRIAH, 

WALAU BA RIAK DINAN TONANG

  BACONDONG DI NAN RONDAH,

ATEH MINUM KOK KURANG SOJUAK

 MAKAN KOK KURANG KONYANG, 

KOK INDAK TALOTAK PADO TAMPEKNYO,

NAK DIAGIAH MOOH SIPOKOK SIPANGKALAN GODANG-GODANG.

(JAWAB

LA SAMPAI DEK DATUAK  ) DIBILANG 0LAH 

SAPANJANG BUAH KABONARAN DATUAK TU, 

NAN TASERAK KATONGAH-TONGAH 

TATABUA KAMUKO NAN RAPEK

,MA NAN KAJADI BUAH KABONARAN DEK DATUAK ,

SABOLUN ISIN DATUAK BORI 

PIHAK DIADAT SAKOTU IKO KINI, 

TOGAK KOK KURANG SAPO 

DUDUAK KOK KURANG SIRIAH, 

WALAU BARIAK DINAN TONANG

 KOK BACONDONG DINAN RONDAH, 

MINUM KOK KURANG SOJUAK 

MAKAN KOK KURANG KONYANG, 

 NAN INDAK TALOTAK PADO TAMPEKNYO,

 NAK DIAGIAH MOOF SIPOKOK KA SIPANGKALAN, 

KAN BAITU BUNI BUAH PANYOMBAHAN DATUAK CAKO.

INDAK LEH TUAK NAN KA JADI SAUK SAPONYO

PIHAK DIADAT SAKOTU IKO KINI, 

TOGAK LAI BASAPOAN KOK DUDUAK LAI BASIRIAH AN, 

MINUM LAH TIBO DINAN SOJUAK 

MAKAN LAH TIBO DINAN KONYANG, 

LIMBAK DI  SABALIAK NAN PADO ITU TUAK,

 PIHAK DI KAMI OLEK NAN DATANG,

 SAKALI MALANGKAH KAN KAKI

 DUO KALI MALEMBAI KAN TANGAN 

MA,ADOKAN MUKO KA KAMPUANG DATUAK KO

 ,IYO LAH NAK MA ANTAKAN MAAF JO KARELAAN NYO TUAK.

SAGITU SOMBAH BAKEH DATUAK 

MAKLUM DATUAK TONTANG ITU, 

(JAWAB LAH SAMPAI DEK DATUAK ,SAKIRO OLAH..)

NAN KA JADI SAUK SAPONYO

 PANDANG JAWUAH LAH NBALAYANGAN, 

DOKEK LAH BATUKIAK AN, 

DEK LAH RELA DARI DATUAK 

RELA DARI OLEK NAN DATANG 

KAMI PIHAK SI POKOK SI PANGKALAN

 TARIMO PARAGIAH BANYAK BANYAK , 

LIMBAK NAN DI  BALIAKNYO 

ATEH DUDUK NAK MAURAK SELO ,

TOGAK MAURAK LANGKAH 

MANUJU TIMPEK NAN CAKO 

KAMI LOPEH JO HATI NAN SUCI 

MUKO NAN SARUPO IKO KINI.

JAWAB.

KAMI PAKAI TUAK.

http://www.google.com