BARAJA BA ALUA

MINTAK MAAF SEBELUM BARUNDIANG

 (Jika Lawan Barundiang Lebih Tua Dari Kita)

Sabalun kato ka dijawab .Gayuang ka di sambuk

Basuo manuruk undang, Indak lah nan Tuo dari kaki, Indaklah nan mulia dari Mamak, Karono Datuak Tibo di. Nan Tuo, Ambo Tibo di nan ketek, bori mohon Ambo dalam parundiangan ko.

BATANG ALUA

• Nan manjadi rundingan kotu iko kini 

• ,Manyombah kito kapado Allah

•  basalawat kito kapado nobi

•  kato sajo nan dipakatokan,

•  apolah nan manjadi buah kato 

• maagak hari nan dahulu

•  disiriah nan bacabiak

•  pinang nan bagatok,

•  jonji bakarang nan dipadan 

• nan baukua padan tibo

•  dihari nan sahari nanko. 

• Baa di hari nan sahari nanko 

• padan baukua pandapek,

•  jonji bakarang dimuliakan, 

• jalan nan jauah lah baturuk,

•  lobuah nan golong lah batompuah. 

• Bararak lah sapanjang jalan, 

• lah tibo ditongah halaman. 

• Jonjang talangkah lah batingkek,

•  bondua tarontang lah batopuak

• , Duduak lah samo sahamparan

• , tagak lah samo saedaran.

•  Baa diduduak samo sahamparan

•  tagak samo saedaran

•  dirajo nan sadaulat,

•  panghulu nan saundiko

• , mangaji lah sapanjang alua,

•  manimbang lah sapanjang adat.

•  Jikok panuturan baliau ciek jo duo,

•  duo jo tigo olah banamo salosai.

• 
  

• Sungguahlah datuak surang tampek manibokan buah parundiangan, 

• nak sarapeknyolah niniak jo mamak,

•  sado saisi rumah nangko

• . Usah diatap dibilang gola,

•  jo salam sajo dimuliakan,

•  kopa atap pambilang gala

•  kan lai topek samparono

•  salam lalu ka nan rapek, 

• buah parundingan dianta kahadapan datuak 

• Sungguah lah bokeh datuak surang tompek ambo manibokan buah parundingan

•  sombah tajelo kanan rapek, 

• maaf tasimpuah ka nan banyak, 

• ujuiknyo kapado niniak mamak, 

• nan tinggi samo di anjuang, 

• nan godang samo diamba, 

• bila maulana jo tuanku

•  alim ulama jo codiak pandai, 

• nan mudo, arif budiman , 

• sarato nan tuo dalam kampuang, 

• tampek ambo manimpokan sombah.

• 
  

MAMPAIYOKAN KATO

Maa nyo datuak nyo nan ambo

Basobab datuak dek di imbau

tagak dek rundiang ka batongahan.,

sairiang salam jo sombah

 bokeh datuak

 manyombah kito kapado allah,

 basalawat kito ka pado nobi,

 kato sajo nan dipakatokan

, apolah rundiang ka di sobuk

-     kok  panjang bakorek

,singkek bapakai,

 baa panjang bakorek singkek bapakai

maagak parundingan siolek jo sipangka

kok didonga olah baiak

 budi dipandang lah baiak rupo,

 tapi samantangpun baitu

  dibisiak olah samo kadongaran

 diimbau samo kalampauan

duduak basamo sahamparan,

tlgak samo saedaran

kato surang dibulek-i ,

kato basamo dipaiyokan

duduak balain tompek,

tagak balain diam/

• duduak nak baiyo togak nak maramu

• duduak basamo balaapang, 

• duduak surang basompik sompik

 itu nyo kajawabny dek bunyi datuak cako.

Sunat kato dek baulang

pasa jalan dek batompuah

buah parundingan datuak

 dianjuang tinggi diamba godang.

Apo lah nan manjadi buah parundingan datuak nan tauunjuak kamuko nan rapek.

 tatuju kadiri ambo…….

kan baitu bona buah parundingan datuak cako

Tibonyo sapanjang parundingan datuak cako

  lah dalam adat nan bapakai dalam cupak nan baisi,

 kok mamahek lah tibo dibarih,

 bakato lah tibo dialua,

dak dapek di urai lai

  sarangkai nan bak labu

, satali nan bak papeh/

 tapahek di tiang tinggi,

 tahimpik disondi loweh/

 lomak nan bak raso santan,

manih bak raso tangguli/

tembak lah tibo disasaran

, kato lah tibo di aluanyo.

didonga lah baiak bunyi,

dipandang lah baiak rupo/

lah tatompuah di labuah golong, 

lah tapijak di jalan pasa

tapi samantangpun baitu

 lomak siriah lega carano,

lamak kato lega bunyi/

 dek kami lai duduak baduo batigo

sarato jo niniak mamak

nan rajo kato mufakat,

nan bona kato baiyo

 limbago duduak basamo,

pusako duduak barapak

bona disimpan dek urang tuo,

rahasio disimpan niniak mamak ,

kok iyo gontiang ka diputuh,

biang ka dicabiak/posuak

kato surang dibulek-i,

 kato basamo dipaiyokan

Dek bukik tumpuan kabuk, 

dek lurah tumpuan aiyia

diukua kato nan datang,

ditimbang rundingan nan tibo) 

ambo paiyokan kato,

ambo palegakan bunyi

(manjapuik nan kabarinyo)

 (pado baliau nan salingka duduak)

disabakan dek  jo panitahan lai ko dalam lingkuang adat

 lingka pusako 

jawab:

- marasonyo lah lah dalam adat

nan bapakai dalam cupak nan baisi,

birek bakisa kanan ringan,

jauah bakisa ka nan ampiang

Kok iyo gantiang ka diputuh

 biang ka dicabiak

  Asakan pinta lai kabuliah 

kandak lai kabalaku

bao lah kato mufakat dek datuak

 sifat mananti ambo.

Jawaban singkek paiyokan kato

InDak tarago ditikam jojak

 ndk dititih batang

buah parundingan datuak,

ditikan jajak kok lipua

dititih batang kok patah,

dibao sajo kato jo ba iyo

 disabakan datuak jo panitahan,

la nyo dalam adat nan bapakai

MAMPARUNDINGAN KATO

Dihari nan cako 

Disobakan jo parundingan

manauang manuruk undang

mananti manuruk alua

ambo mampaiyokan kato,

mampalegakan bunyi

mambao kato mufakat

pado baliau sallingka duduak,

 lah dapek mancari buah barito nyo

aia nan joniah, sayak nan landai

 bulek nan sagolek,

picak nan salayang

  bona nan sasuai,

piham nan saukua

 rintak nan sadaram,

lenggang nan saayun

di dalam   parundingan

pado ambo,

ambo maantakan pado datuak

 apolah nan ka jadi buak rundiang

satontang parmintaan parundingan datuak nan katongah

 baparagiahlah datuak di situ bokeh kami nan disiko

tinggi samo maanjuang, godang samo maamba

ka hilia lah sarongkuah dayuang,

 ka mudiak lah satimbang galah

kateh lah sapucuak, kabawah lah saurek

Pakirin indak kabaturuk-i,

pitaruah indak ka baunyian,

itu lah mufokatnyo tuak

Dak lai sabuah pintak lah buliah, kondak lah balaku

Dek nan dijopuik lah tabao ,nan dijuluak lah loreh, lah manyonangan dalam ati

Dek ujan lah bapuhun, paneh lah baraso

Gayuang nan suruk ka balobeh,

kato nak baliak ka awanyo

Lah rancak disagoan rotan ka ureknnyo tuak

KALIMAT UNTUK MENGULANG OERUNDINGAN.

Dahulu kato basitinah, kamudian kato basicopek,copek pulo antanyo bokeh datuk.

 Olah kasauknyo, maagak parundingan kito cako.

 bajalan baronti bakato sudah, kauknyo abih biangnyo cabiak,

ciek jo duo, duo jo tigo, olah banamo basilosai. Pun baatonyo lai, tumbuah pulo nan bak bonyiah, tobik pulo nan bak padi, di kami silang nan bapangka, karajo nan bapokok, satompuah lalu sabondong suruik

Alua JAMBA KAMINUM

Sipangka:

Baca batang alua terllebih dahulu

Dek lai tumbuah pulo nan bak bonyiah tobik pulo nan bak padi,disilang nan bapangka karajo nan bapokok, mangatongahan sapanjang adat,  

Baa mangatongahan sapanjang adat, gabak dihulu tando ka ujan, cewang dilangik tando ka paneh

duduak nak baiyo togak nak bamooh jamba nak mintak di anta ka dapua.

Sakian bana dianta anta, anta sampai bakeh sutan

sialek:

Tontangan dijamba nan di muko
 dikumbuak nan baotua,
yo lah siang bak hari,
torang bak bulan
 tapi samantangpun baitu
 biaso juo dimato baok mancaiak
talingo dibao mandanga,
duduak mainggo tagak mancoliak.
Yo nak bapsmborian pulo
 silang nan bapangka
karajo nan bapokok.

Sialek babaso mananyoan sipokok yang tak hadir

sipangka:

Tontangan parmintaan datuak nan katongah
 duduak baok mainggo tagak bao mancoliak,
baa dihari nan dahulu
kok siriahnyo lah bacabiak,
pinang lah bagatok,
kok jauah lah bajalang
ampiangno lah baturuik,
baa di hariko sabari nangko,
 nan tak tampak poi lah jo parundigan
 tingga lah jo mufakat.

Sialek:

Sado liau nan tak tampak,
 pai lah jo mufakat
tingga jo parungdingan
yo lah dalam adat nan bapakai
dalam cupak nan baisi.

Sipangka kembali mempersilakan minum

Si pangka

Gabak dihulu tando ka ujan,
cewang dilangik tando ka paneh,
 jamba nak mintak diparenai.
 Sakian simbah dari ambo,
pulang maklum pado data

sialek

Indak gombuang lukah diayia
, indak sasak bintang dilangik,
 pintak buliah kandak balaku
sakitu kato dari ambo

ALUA SIRIAH

Sipangka:

Baca batang alua terlebih dahulu!

Pun baatonyo lai,
satontang carano nan katongah,
 kok siriah yo nak mintak dicabiak ,
pinang mintak digatok,
 talatak dalam carano.

si Alek:

Indak gambuang lukah di aia,
 indak sasak bintang dilangik,
 pintak buliah kandak balaku

 BATIMBANG TANDO

Si Alek:

Baca batang alua terlebih dahulu

Pun baato no lai, tobik pulo di kami
nan satampuah lamo lalu sabondong suruik
 kok dihari nan dahulu
dinanti janji bakarang,
 padan ba ukua.
 Baa di hari nan sahari nangko
 iyo nak manyandakan ka tabiangno
, malembaikan ka aua nyo,
basauah nak bak tando
, bakaik nak bak rantai,
 nak batarimo suko sapanjang adat.

Si pangka:

Lah banja nan bauleh,
lah suri nan batauladan,
 lah batarimo suko sapanjang adat

Sialek langsung menyampaikan kato untuk memberikan tanda ikatan (cincin).

Si alek:

Dikami nan satampuah lalu sabondong suruik,
orekno nak bapangobek,
toguahnyo nak bapangalang,
batali nak dapek di irik,
batambang nak buliah diasak,
nak batarimo suko sapanjang adat.

Si pangka:

, diateh orek nan bapangobek,
 toguah nan bapangalang,
rasonyo lah suri nan batauladan
, lah banja nan bauleh,
lah batarimo suko sapanjang adat.

Bako laki-laki manyalang parundingan untuk manyampaian lampin tando

Setelah salasai bako mangumbalikan parundiangan pado sialek.

Kamudian si pangka manyampaian rundiangan untuak mambarikan pulo ikatan.

Si pangka:

Iyo juo manuruik undang tobang batimbalan,
olang nan bajawek iyo nak batarimo suko sapanjang adat.

Si alek:

Rasono lah dalam adat nan bapakai,
dalam cuopak nan baiilih,gantang nan balanjuang
lah batarimo suko sapanjang adat.

LAMPIN TANDO

Bako:

Baca batang alua terlebih dahulu!

Pun baato no lai tumbuah pulo nan bak padi,
di kami tontang bapak nan baranak,
biaso juo ketek dukuang jo kain,
gadang dukuang jo adat.
 Ba diadat kami nan katongah nak batarimo suko sapanjang adat

Sipangka:

Diketek badukuang jo kain, lah godang badukuang jo adat, rasonnyo lah dalam adat nan bapakai,
 cupak nan balilij,lah batarimo suko sapanjang adat.

MANJAPUIK MARAPULAI

Setelah makan jo minun.

Sialek:

Baca batang alua terlebih dahulu!

Makan jo minum lah samparono.
Kok di hari nan dahulu janji samo bakarang,
 padan samo bakua, baa dihari nan sahari nanko,
dikami nan satampuah lalu sabondong suruik
 iyo juo bak kato undang
“manjuluak nak sampai kabuah,
mangubak nak tampak isi,
mamanggang nak no masak,
maabuih nak no kampuah,  manjapuik nak tabao,
mamanggia nak bairingan.

Sipangka:

Iyo juo bak kato undang, lah tatampuah dijalanno,
 lah tarocak dikudonyo, lah balopeh jo kato nan bona

Sialek Manayoan gala

Sialek:

Di kami nan satampuah lalu sabondong suruik.
 Tonttang diri di marapulai, kok ketek dukuang jo kain
, kok godang dukuang jo adat,
duduak jo adat togak jo pusako,
apolah pusako nan baliau junjuang,
nak bapamborian juo silang nan bapangka.

Sipangka:

Dimarawa nan takipeh,
dibangkai nan taguliang,
 darah nan tatumpah,
pusako nan bajunjuang,sutan …
Gala si sutan….....
pusako nan aliau junjuang.

Sialek:

Satantang di anak mudo nan balapeh
, kahilia jo kamudiak, katangah jo katapimahiliakan
Korong jo kampuang kahadapan niniak mamak
 sarato amai jo bapak karik karabat o ipa bisan.

Allah Ta’ala bersifat Qadim manusia bersifat khilaf,
kok tajadi khilaf jo khilafat,
cicia panjuk tingga-tinggalan,
satontangan pado malopeh siriah,
baa dikito nan duduak sahamparan
nak samo japuik tabao karumah urang
….namo
suku…

ADAT KATonGAH

Sipangka:

Baca batang alua terlebih dahulu!

Kok minun lah baubek auih,
 pun baato no lai dijalan nan duo tarantang,
partamo dijalan syarak, lah salasai bapati jo doa
dibawah gonjong nan satu di ateh surau musojik,
dihadapan imam jo khotik
sarato jo walisyahadah langkok jo saksi nan parolu.
Baa nan sapanjang adat, nan tadiri  di rumah tanggo
 dipitih nan babilang, di kain nan balipek
 yo nak batarimo suko sapanjang adat,
balaluan kahadapan baliau nan ampek suku.

Sipangka:

Dipitih nan babilang, dikain nan balipek, lah sarek jo pusako,
 lah rindin jo pakaian, lah batarimo suko sapanjang adat.

Sialek meminta Mamindahkan adat katangah

Sialek:

Dikami nan satampuah lalu sabondong suruik,
satantangan diadat katongah,
iyolah sarek jo pusako, lah rindin jo pakaian,
lah batarimo suko sapanjang adat
, tapi dek diri amai bapak, kok duduak sari mainsuik,
tagak rumik marenjeng, satantangan pado maasakno,
iyo nak manyarayo ka anak mudo sipangka.

Sipangka:

Pintak mungkin babari, kandak lai bapalakuan.
 Tapi di anak mudo nan kakatongah,
 kok tahadok tabulakangi, tahereng tagendengi
, iyo nak bamintakan juo rilah jo mooh
 kapado baliau nan duduak sahamparan.

Sialek:

Panyoba godang paidah,
pamaaf tinggi arago,
lah kababori rila jo mooh

Sipangka:

Lah ka lalu anak mudo kami datuak

Sialek:

Lalulah

PASILAKAN KATURUN

Sialek:

Baca batang alua terlebih dahulu!

Minum jo makan lah samparono,
pintak lah bari mambari, kandak lah samo mampalakuan
, aratinyo nan diamukasuk lah sampai
nan diama lah pacah.
Baa dek dimukasuk  lah sampai ...
nan diama lah pacah, buhua lah bona kadiurak,
kobek lah mintak ka diungkai,
duduak nak maurak selo,
togak nank maayun langkah,
 pulang katompek masiang-masiang,
nak mintak dilopeh disilang nan bapangka
jo muluik nan janiah hati nan suci.

Sipangka:

Kok mintak mungkin kabobari,
kandak lai raso kabalaku,
tapi samantangpun baitu tontangan juadah nan katangah,
kok kurang saasam sagaramnyo,
pinuah kok malimbak, kurang kok badokuak,
nak dimintakkan rila jo mooh pado baliau nan duduak sahamparan.

Sialek;

Satontangan di jamba nan ka tongah
dikumbuak nan ba otua, rasonyo lah saasam sagaramno,
 panuah indak malimbak, kurang indak badakuak,
lah ditongah tulang pungguang.

Sialek minta maaf pula ke sipangka

Sialek:

Dikami nan satompuah lalu sabondong suruik,
iyo juo manuruik undang dialang nan bajawek,
tobang nan batimbalan. Daun dihirun olah cabiak
, bukik runtuah lurah lah kariang,
cangkia basusun alah perai,
lapiak takombang olah basah,
nak dimintakkan pulo rila jo mooh kapado sipangkalan.

Sipangka:

Iyo juo kato undang urang pandai
pai manyasah kaluak urang koto kaciak
Nampak nan dari kabun sarai,
lapiak takombang olah basah
daun dihirun olah cabiak
cangkia basusun alah perai
 bukik runtuah lurah lah kariang,
disitu mukosuk  mako kasampai.

MAMPATARUAHKAN KAMANAKAN

Sialek:

Baca batang alua terlebih dahulu!

Minun jo makan lah samparono pun baato nyo lai,
tobik pulo nan bak padi, tumbuah pulo nan bak boniah,
 dikaminan satampuah lalu sabondong suruik,
satontangan di kamanakan kami,
umua baru satahun jaguang, darah satampuak pinang,
kok tinggi mungkin tabao dirueh, gapuak mungkin tabao lamak,
 kok ditopi diasak katongah, ditongah nak samo di bumbun,
hanyuik mintak dipinteh, tasorong nak mintak dibubuk,
dari sahinggo iko kateh nak tapakai mungkin jo patuik,
kabukik nak dibao mandaki, kalurah nak samo dibao manurun,
diateh anak satu kamanakan surang.

Sipangka:

Satantangan diri si marapulai, kamanakan di datuak,
 minantu dikami, kahilia lah sarangkuah dayuang,
kamudiak lai ka satimbang galah,
 anak satu kamanakan surang,
kobek indak kabarulak, simpai indak kabaransua.

ALUA DI RUMAH DUKA

Sialek:

Manyambah kito ka pado Allah,
basalawat kito ka pado nabi
kato sajo nan dipakatokan.
 A lah nan manjadi buah kato
 cupak ponuah bilangan cukuk,
nan punyo datang manjapuk,
lah bapulang baliau ka rahmatullah.
 Baa dikito nan  bakarik ba karabat,
 baipa babisan,
saroto buek orek satio nan toguah,
 jauahnyo lah bajalang ampiang lah baturuk,
kok rusuahnyo lah bapujuak,
tangihno lah baontok-an,
pun baitu nyo lai dikami  nan satampuah lalu sabondong suruik
basuo manuruik undang jauah bajalan banyak nan tampak,
lamo iduk  banyak dirasoi,
Allah ta’ala bersifat qadim,
manusia bersifat khilaf,
 kok tajadi khilaf jo khilafat,
salah nan indak disingajo,
kore muluik ko manyingguang,
tagisia kanaik talintuang katurun
yo nak dimintakan rila jo mooh ka ahli waris.
Sakian sajo dari ambo pado sidang majilihko

Pangka:

Pitaruah nan dahulu, wasiat untuak nan tingga,
sagalo kaum muslimin dan kaum muslimat
 olah babori rila jo mooh kato baliau
, itubnyo wasiat dari baliak

Si pangka balik minta maaf

Dahulu kato basitinah,
kudian kato basicapek,
capek antanyo bokeh datuak
cako bajalan baronti bakato sudah,
kauk abih biang nyo cabiak,
tumbuah pulo nan bak boniah,
tobik pulo nan bak padi,
di kami disilang nan bapangka
 karajo nan bapokok,
di solamnan bajawek,
nakabang nan batimbalan,
bunyi nak samo didonga.

Si alek:

Sajak salangkah dari rumah
olah manjadi niat jo nosa mambori rila jo mooh ka baliau.

Si alek mintak turun

Dikami nan satampuah lalu sabondong suruik
tumbuah sawajah iko kini
 tontu balayia sampai ka pulau,
bajalan sampai kabateh, duduak nak bakisa duduk,
 tagak nak bakisa tagak,
 duduak nak baiyo, tagak nak bamooh jo silang nan bapangka.

Si pangka:

Pintak buliah kandak balaku,
 lah kabalopeh jo muka nan janiah hati nan suci.

MANANYOAN PUSARO

Buek orek:

salosai karajo dek bakakok,
abih utang dek baansua,
siang jan baabih hari,
malam jan baabih minyak,
duduak nak baiyo togak nak bamooh
 jo silang nan bapangka karajo nan bapokok.

Sipangka:

Sungguah takona di datua dikami lah takiro pulo.

Buek irek:

Yo mano tibonyo buah sapanjang buah parundingan datiak nan katongah
iyo lah bana pulo, tapi dek jauah nan batunjuakkan,
iyo naka bapambarian juo silang nan bapangka.

Sipangka: (Tunjukkan tampekno)

ALUA DI PUSARO

Sipangka:

Manyambah kito ka pado Allah,
basalawat kito ka pado nabi
kato sajo nan dipakatokan.
 A lah nan manjadi buah kato
cupak pinuah bilangan cukuk
, nan punyo datang manjapuik
, lah bapulang baliau ka rahmatullah.

Baa dikitonan  bakarik karabat, baipa babisan,
sarato buek orek satia nan taguah
 Lah baanta katanah nan lambang,
rumpuik nan layua.
 Pun baitu no lai jauah bajalan banyak nan tampak,
 lamo iduik banyak dirasai,
Allah ta’ala bersifat qadim, manusia bersifat khilaf,
 kok tajadi khilaf jo khilafat, salah nan indak disingajo
, koreh muluik kok manyingguang,
dikami silang nan bapangka karojo nan bapokokyo
nak mintak rila jo mooh ka baliau nan basamo.
 Sakian nyo kato bona untuak kito nan basamo

Sialek:

Pamauh tinggi harago, panyaba gadang paidah,
 yo lah kababari rila jo mooh kato baliau.

Kemudian sialek minta maaf pula ka si pangka

Setelah saling minta maaf maka dilanjutkan dengan minta doa

Sipangka:

Di ateh adat nan lah bapakai,
syarak nan samo bapakalang

Bakaua bokeh nan karamat,
mamintak bokeh nan kabuliah,
ilimu ka ba amakan, pituah ka bapocik.

MAMBAIA ADAT KAMATIAN

Dianak nan babapak
(bapak nan baanak)
 adat nan kabapakai, cupak nan balilih,
kaganti papan nan sabilah,
kain nan salampih,
nak batarimo suko sapanjang adat.

SEKIAN
ASSALAMU'ALAIKUM....WR .WBR

http://www.google.com